💠 ધોરણ 4 💠 આસપાસ 💠 રોજ નિશાળે જઈએ

💠[Q - 1]. નીચેના પ્રશ્નોના ઉત્તર આપો

(1) તમે શાળામાં કેવી રીતે જાઓ છો?

A. અમે શાળામાં રિક્ષામાં બેસીને જઈએ છીએ.

(2) તમારા ગામમાં કે શહેર નજીક પુલ છે?

A. હા. અમારા મોરબી શહેરમાં પુલ છે.

(3) પુલ ક્યાં છે? નદી ઉપર, રોડ ઉપર, બે ડુંગર વચ્ચે કે બીજે ક્યાંય?

A. પુલ નદી ઉપર છે. કેટલાક પુલ રોડ ઉપર પણ છે

(4) પુલ નો ઉપયોગ કોણ કરે છે? લોકો, પ્રાણીઓ કે વાહનો?

A. વાહનો અવર-જવર માટે અને લોકો ચાલવા માટે પુલ નો ઉપયોગ કરે છે.

(5) આ પુલ બનાવવા કઈ કઈ વસ્તુઓનો ઉપયોગ થાય છે? તેની યાદી બનાવો?

A. સિમેન્ટ, ઈટો, લોખંડના સળિયા, આર.સી.સી. ના મોટા સ્લેબ અને લાકડા નો ઉપયોગ થાય છે.

(6) જો પુલ ના હોય તો કેવી મુશ્કેલી પડે તે કહો.

A. જો પુલ ના હોય તો નદી સરળતાથી પાર કરી શકાય નહી. માલ સામાનની હેર ફેર કરી શકાય નહી. જીવન જરૂરિયાત ની ચીજ વસ્તુઓ મેળવવામાં મુશ્કેલી પડે.

(7) શું તમે હોડીમાં બેઠા છો? ક્વો અનુભવ થયો હતો?

A. હા, હોડીમાં બેસવાથી રોમાંચક આનંદનો અનુભવ થયો હતો.

(8) શું તમે કોઈ રીતે વિચારી શકો છો, જેના દ્વારા આપણે પાણી પર મુસાફરી કરી શકીએ?

A. પાણીમાં જુદી જુદી રોતે મુસાફરી કરી શકાય.

(1) પાણીમાં તરીને 

(2) હવા ભરેલી ટ્યુબ દ્વારા 

(3) બોટ કે વહાણ દ્વારા 

(4) સ્ટીમર દ્વારા 

(5) હોવર ક્રાફ્ટ દ્વારા.

(9) તમે સાઇકલ ચલાવી સકો છો? જો હા, તો તમને કોણે શીખવી?

A. હા, મને મારા પપ્પાએ સાઈકલ શીખવી.

(10) તમારી શાળામાં કેટલા બાળકો સાઈકલ લઈને આવે છે?

A. અમારી શાળામાં ધોરણ 5 થી 8 ના આશરે 35 જેટલા બાળકો સાઈકલ લઈને આવે છે.

(11) તમારી શાળા તમારા ઘરથી દૂર છે કે નજીક?

A. અમારી શાળા અમારા ઘરથી થોડી દૂર છે.

(12) તમારી શાળામાં આવી સુવિધા છે? જો હા, તો કયા વાહનમાં તમે આવો છો?

A. હા, અમે અમારી શાળામાં સ્કૂલબસ માં આવીએ છીએ.

(13) તમે કયાં કયાં પશુ-પક્ષીઓને અવાજથી ઓળખી શકો છો?

A. ગાય, ભેસ, બકરી, બિલાડી, કૂતરો, કાગડો, કબૂતર, મોર, ચકલી, પોપટ, કોયલ,કૂકડો વગેરે.

(14) જંગલમાંથી પસાર થતાં શું કાળજી રાખશો?

A. (1) જંગલી પ્રાણીઓના હુમલાથી સાવચેત રહેવું જોઈએ. (2) જંગલના રસ્તા ખાડા-ટેકરાવાળા અને ગાઢ વૃક્ષોવાળા હોવાથી સાંભાળીને ચાલવું જોઈએ. (3) જંગલના ઝેરી જીવજંતુઓથી સંભાળવું જોઈએ.

(15) જે લોકોને શારીરિક ખામી છે તેમણે કેવી તકલીફ પડતી હશે?

A. (1) અપંગ: તેમને ચાલવામાં મુશ્કેલી પડે છે. તેમને વ્હીલ ચેર કે ઘોડીનો સહારો ચાલવા માટે લેવો પડે છે. (2) અંધ: તેમણે હરવા-ફરવા અન્ય લોકોનો સહારો લેવો પડે છે. ઘંટડીવળી ખાસ પ્રકારની સફેદ લાકડીનો ઉપયોગ કરવો પડે છે. (3) મૂક બધિર : બોલી કે સાંભળી શકતા નથી. પોતાની વાત બીજાને જણાવી શકતા નથી. કોઈ ની વાત સમજી શકતા નથી. તેઓ આંખ કે હાથની આંગણીઓ ના ઈશારાથી વાત કરે છે.

(16) શું તમે તમારી શાળાના રસ્તે કોઈ મુશ્કેલી અનુભવી છે?

A. ના, અમારા ઘરેથી શાળા સુધીનો રસ્તો પાકો હોવાથી કોઈ મુશ્કેલી અનુભવી નથી.

💠[Q - 2]. તમારા મિત્ર સાથે ખુલા મેદાનમાં જાવ અને નીચેની પરિશ્થિતીમાં ચાલવાનો અભિનય કરો.

(1) મેદાન સીધું, નરમ અને સુવાળુ છે

A. મેદાન સીધું, નરમ અને સુવાળુ છે

(2) મેદાન કાટાઓથી છવાયેલુ છે.

A. આવા મેદાનમાં ચાલવું ખુબજ મુશ્કેલ છે, તેથી ચાલતા સમયે કાંટો વાગે નહી તેમ સંભાળીને ચાલવું જોઈએ.

(3) રસ્તો પથરાળ કે આડો અવળો છે.

A. આવા રસ્તા પર પથ્થર વાગે નહિ તેવી રીતે શરીરનું સંતુલન જાળવીને ચાલવું. જોઈએ.

(4) રેતીનું રણ છે અને રેતી ગરમ છે.

A. ગરમ રેતી પર મોજા પહેરી ગાદીવાળા સેન્ડલ કે બુટ નો ઉપયોગ કરી ચાલવું જોઈએ.

(5) શું દરેક વખતે ચાલવામાં કોઈ તફાવત પડે છે?

A. હા, દરેક વખતે ચાલવાની સ્થિતિમાં તફાવત પડે છે. સપાટ સડક પર સરળતાથી ચલાય છે. કોઈ વાર સંભાળીને ધીમેથી પગ મૂકી ચાલવું પડે છે. કોઈક વાર શરીરનું સંતુલન જાળવીને ચાલવું પડે છે તો કોઈક વાર પથરાળ રસ્તા પર શરીર ને આંચકા લાગે છે.

💠[Q - 3]. આ એકમમાં બાળકો કેવા વાહનો અને રસ્તાનો ઉપયોગ કરી શાળાએ જાય છે? તે લખો.

(1) આ એકમમાં બાળકો કેવા વાહનો અને રસ્તાનો ઉપયોગ કરી શાળાએ જાય છે? તે લખો.

A. (1) સાઈકલ ચલાવીને શાળાએ જાય છે. (2) રિક્ષા દ્વારા શાળાએ જાય છે. (3) સ્કૂલબસ દ્વારા શાળાએ જાય છે. (4) સડકવાળા પાકા રસ્તા પરથી ચાલીને જાય છે. (5) નદી પરના પુલ પર થઈને શાળાએ જાય છે. (6) ખેતરના રસ્તે થઈને શાળાએ જાય છે.